Իսրայելը շարունակում է հզորացնել իր ռազմածովային ուժերը
Jun 11, 2021
1 min read
Գերմանիայում պատվիրված չորս ռազմանավերից երկրորդը համալրել է Իսրայելի ռազմածովային ուժերի շարքերը։ Նորագույն հրթիռներով հագեցած ռազմանավը նախօրեին ժամանել է Հայֆայի նավահանգիստ:
Գերմանիայի նավաշինարաններում կառուցված Saar-6 մակնիշի ռազմանավերից առաջինը Իսրայելին էր փոխանցվել դեռ նախորդ տարվա դեկտեմբերին, հաջորդ երկուսը հրեական պետությանը կփոխանցվեն մինչև տարեվերջ։
Իսրայելի Պաշտպանության նախարարության տեղեկություններով՝ երկրի ռազմածովային ուժերը համալրած նավը հերթապահություն է իրականացնելու Լիբանանի հետ ծովային սահմանի երկայնքով՝ գազի ստորջրյա պաշարներով հարուստ շրջանում։
Comments