Իսրայելում արդեն վակցինայի չորրորդ դեղաչափն են առաջարկում կորոնավիրուսից պաշտպանվելու համար

Իսրայելի կառավարությունը հաստատել է խոցելի խմբերին կորոնավիրուսի դեմ վակցինայի չորրորդ դեղաչափը տրամադրելու պետական ծրագիրը:

Երրորդ և չորրորդ դեղաչափերը ներարկվում են մարդու իմունային համակարգը խթանելու նպատակով:

Իսրայելում բնակիչներին տրամադրում են Pfizer/BioNTech ամերիկա-գերմանական ընկերության արտադրած պատվաստանյութը:

Չորրորդ դեղաչափը կստանան առողջապահության համակարգի աշխատողները, 60-ից բարձր տարիքի և քրոնիկ հիվանդություններ ունեցող մարդիկ:

Իսրայելն ամենաարագ զանգվածային վակցինացիան ապահոված երկիրն է աշխարհում: