Ճապոնիայի ափերի մոտ վառելիքի արտահոսք է տեղի ունեցել ծանծաղուտում հայտնված նավի պատճառով

Պանամայի դրոշի ներքո նավարկող բեռնանավը ծանծաղուտում է խրվել Աոմորիի հյուսիսային պրեֆեկտուրայի Հատինոհե նավահանգստի շրջանում, ինչի հետևանքով նավի կորպուսում խորը ճաք է գոյացել: Այդ մասին հաղորդել Է NHK հեռուստաալիքը:

Շուրջ 40 հազար տոննա ջրատարողություն ունեցող CRIMSONPOLARIS նավի վրա միջադեպի պահին գտնվում էր անձնակազմի 21 անդամ՝ Չինաստանի և Ֆիլիպինների քաղաքացիներ: Նրանք բոլորը փրկվել են: Մինչև օգոստոսի 12-ը առավոտյան ժամը 9-ը ճաքը տարածվել է կորպուսի ամբողջ մակերեսով, ինչի արդյունքում դրա ոչ մեծ մասը պոկվել ընկել է:

Ճապոնիայի վարչապետի գրասենյակին առընթեր ստեղծվել է շտաբ՝ միջադեպի հետ կապված տեղեկատվություն հավաքելու համար: