Երկրաշարժ Ճապոնիայում․ կան տուժածներ

Ճապոնիայի հյուսիս-արևելքում 6 մագնիտուդով երկրաշարժ է տեղի ունեցել։ Kyodo գործակալության հաղորդմամբ՝ Աոմորի և Իվատե պրեֆեկտուրաներում 3 մարդ է տուժել։ Երեքն էլ կանայք են, նրանցից մեկը գլխի վնասվածք է ստացել հեռուստացույցի ընկնելու հետևանքով, մյուսն ուսն է վնասել՝ փորձելով կանխել պահարանի շրջվելը, մյուսն էլ ընկել է։

Սեյսմոլոգները կանխատեսում են, որ հետցնցումներն այդ շրջանում կշարունակվեն ևս մեկ շաբաթ, հատկապես դրանք ուժեղ կլինեն առաջիկա 2-3 օրերին։