Ճապոնիայի կայսրը լուծարել է խորհրդարանի ստորին պալատը

Ճապոնիայի ստորին պալատի նախագահ Թադամորի Օսիման ընթերցել է կայսր Նարուհիտոյի հրամանագիրը` այն լուծարելու մասին. փոխանցում է РИА Новости-ն:

Հինգշաբթի առավոտյան կառավարությունը որոշել է լուծարել խորհրդարանի ստորին պալատը և կայսրին խնդրել հաստատել այն: Ներկայացուցիչների պալատի լուծարումը հաստատող փաստաթուղթը ստորագրվել է միապետի կողմից և հանձնվել կառավարության գլխավոր քարտուղարին, այնուհետև պալատի նախագահին, որն այն ընթերցել է պատգամավորների համար։

Ավելի վաղ Ճապոնիայի վարչապետ Ֆումիո Կիշիդան հայտարարել էր, որ նախընտրական քարոզարշավը պետք է սկսվի հոկտեմբերի 19-ին, իսկ խորհրդարանի ստորին պալատի ընտրությունները կանցկացվեն հոկտեմբերի 31-ին: