Ջհանգիրյանը չպատասխանեց մեկ մարդու որոշմամբ իրավունք կա՞ փոխել ՀՀ սահմանը հարցին (տեսանյութ)
ԱԺ «Հայաստան» խմբակցության պատգամավոր Աննա Գրիգորյանն այսօր խորհրդարանում հարցրեց ԲԴԽ նախագահ Գագիկ Ջհանգիրյանին, թե որպես իրավաբան-գիտնական, ինչպե՞ս է վերաբերում Սյունիքում տիրող իրավիճակին։
«Գորիս-Կապան ճանապարհի մի հատվածում արդեն վերահսկողություն են իրականացնում ադրբեջանցիները, բայց դա արվում է բանավոր համաձայնությամբ։ Հիմա, երբ մենք ունենք պետական սահմանի մասին օրենք, դելիմիտացիա, դեմարկացիա իրականացված չէ, հնարավո՞ր էր, որ մեկ մարդը միանձնյա իրականացներ պետական սահմանի փոփոխություն»,- հարցրեց նա։
Ի պատասխան՝ Գագիկ Ջհանգիրյանը նշեց, որ չի կարող իր լիազորություններից դուրս որևէ հարցի պատասխանել։
«Դրա մի մասին պետք է ՊՆ-ն պատասխանի, մյուս մասին՝ ԱԳՆ-ն։ Իսկ ես ԲԴԽ նախագահի պաշտոնակատար եմ»,- ասաց նա։
Ավելին, Գագիկ Ջհանգիրյանը տեղեկացրեց, որ ինքն էլ է Սյունիք գնացել Տաթևով և մոտ 5 ժամ ճանապարհ է անցել․ դա իր համար ևս տհաճ էր։
Comments