Նիկոլ Փաշինյանի՝ հանրահավաքին մասնակցելու մասին գրառումը ֆեյսբուքյան գովազդի տակ է (տեսապատճեն)

Այսօր վարչապետի պաշտոնակատար Նիկոլ Փաշինյանը ֆեյսբուքյան իր էջում գրել էր, որ այսօր՝ հունիսի 21-ին, ժամը 20.00-ին, հրավիրում է բոլորին Հանրապետության հրապարակ` իրականացնելու ժողովրդի կողմից պողպատե մանդատը նորընտիր վարչապետին հանձնելու հանդիսավոր արարողություն-հանրահավաքը։

Հետաքրքրական է, որ Փաշինյանի այս գրառման համար ֆեյսբուքյան գովազդ է օգտագործվել։ Գովազդի համար ընտրված է ֆեյսբուքի հայկական տիրույթի այն օգտատերերի շրջանակը, ովքեր չեն հետևում վերջինիս ֆեյսբուքյան էջին և հավանաբար չեն կիսում նրա գաղափարները։

Հանրահավաքին միանալու ևս մեկ հրավեր էլ «Քաղաքացիական պայմանագիր» կուսակցության ֆեյսբուքյան պաշտոնական էջում է միացված։

Հավելենք, որ սա առաջին դեպքն է, երբ Նիկոլ Փաշինյանի որևէ գրառումի տարածումն ապահովելու համար գումար է ծախսվում ֆեյսբուքում։