Կառավարությունը բաց քննարկմամբ կընդունի 3 հարց, մնացած 29-ը չզեկուցվող է
- Jul 29, 2021
- 1 min read
Շուտով՝ ժամը 11-ին, կմեկնարկի կառավարության հերթական նիստը, որի օրակարգի 32 հարցից 29-ը չզեկուցվող է։ Դրանց թվում է ՀՀ-ում աշնանացան ցորենի արտադրության խթանման 2021-ի պետական աջակցության ծրագրի նախագիծը։
Ըստ այդմ՝ առաջարկվում է բոլոր մարզերում 1-100 հա մակերեսով ցորենի ցանքատարածություններ մշակող գյուղացիական տնտեսություններին վաճառվող, ինչպես նաև ցանք կատարելու համար արտադրված կամ ներմուծված աշնանացան ցորենի սերմերի գնի մասնակի սուբսիդավորում կամ փոխհատուցում։ 1 կգ-ի համար տրվող սուբսիդիայի կամ փոխհատուցման գումարը սահմանվում է 70 դրամ։
Նախագծի ընդունմաբ մ2021-ի պետական բյուջեից կհատկացվի մոտ 329 մլն դրամ։ Այն կնպաստի հանրապետությունում ցորենի բերքատվության մակարդակի՝ մոտ 30 %-ով բարձրացմանը։
Yorumlar