Ինչո՞ւ է Սյունիքի զգալի մասը բացակայում Կարմիր խաչի հրապարակած՝ Հայաստանի քարտեզից․ պարզաբանում
Մամուլում ակտիվ շրջանառվում է Հայկական Կարմիր խաչի՝ մի քանի ժամ առաջ հրապարակված մի բուկլետ, որի վրա տպագրված Հայաստանի քարտեզում Սյունիքի զգալի մասը չկա։ Պարզաբանման համար Medihub.am -ը զրուցեց Կարմիր խաչի լրատվության պատասխանատու Նունե Գրիգորյանի հետ։
«Հրապարակված քարտեզի վրա օգտատերը պարզապես ֆոտոշոփի միջոցով թիվը քաշել է վերև և Սյունիքի հատվածը տակն է մնացել»,- ասաց նա։
Նունե Գրիգորյանը պատմեց, որ այդ ծրագիրը մեկնարկել է մի քանի տարի առաջ, և հիմա վրիպակ է եղել, ոչ թե դիտավորություն։
«Դա այնքան փոքր էր, որ նույնիսկ չենք նկատել․ երբ օգտատերը ուշադրություն հրավիրեց մենք պոստրերների ամբողջ խմբաքանակը հետ կբերենք, չենք տարածի և նոր, ճշտգրված տարբերակը կհրապարակենք»,- ասաց նա։
Նունե Գրիգորյանը վստահեցրեց՝ կրկնապատկված ուշադրությամբ հետամուտ կլինեն շտկելու իրավիճակը։
Comments