Յուրի Խաչատուրովի բնակարանում խուզարկություն չի կատարվել. «Փաստինֆո»
ՀՀ ԶՈՒ ԳՇ նախկին պետ Յուրի Խաչատուրովի բնակարանում խուզարկություն չի կատարվել։ Այս մասին «Փաստինֆո»-ի հետ զրույցում հայտնեց փաստաբան Անահիտ Սարգսյանը։
ԱԱԾ-ում քննվող քրեական գործի շրջանակներում խուզարկություններ են իրականացվել մի շարք բարձրաստիճան զինվորականների բնակարաններում, իսկ Դավիթ Տոնոյանը ձերբակալվել է։ Մամուլում շրջանառվող լուրերի համաձայն՝ հաջորդը լինելու են Յուրի Խաչատուրովը և Սեյրան Օհանյանը։
Սեյրան Օհանյանը «Փաստինֆո»-ի հետ զրույցում նշել է, որ ԱԱԾ-ում քննվող քրեական գործի շրջանակներում ամիսներ առաջ հարցաքննվել է՝ վկայի կարգավիճակով։
«Փաստինֆո»-ն կապ հաստատեց Յուրի Խաչատուրովի փաստաբան Անահիտ Սարգսյանի հետ, ով մեզ հետ զրույցում հայտնեց, որ քրեական գործի շրջանակներում Խաչատուրովը չի հարցաքննվել։
ԳՇ նախկին պետ Յուրի Խաչատուրովի բնակարանում խուզարկություն չի կատարվել
Ինչ վերաբերում է հնարավոր խուզարկությունների մասին շրջանառվող լուրերին, փաստաբանը նշեց, որ իրավապահ համակարգի կողմից այնքան անիմաստ, անհիմն գործողություններ են կատարվում, որ չի էլ զարմանա։
Comments