Հյուսիսային Կորեան վերականգնել է կապուղիները Հարավային Կորեայի հետ

Oct 4, 2021

1 min read

Հյուսիսային Կորեան հայտարարել է հոկտեմբերի 4-ի առավոտյան Հարավային Կորեայի հետ կապի բոլոր ուղիների վերականգնման մասին. այդ մասին հայտնում է հարավկորեական Yonhap գործակալությունը։

Ավելի վաղ Հյուսիսային Կորեայի առաջնորդ Կիմ Չեն Ինը կապուղիների վերականգնման մտադրություն էր հայտնել միջկորեական հարաբերությունների բարելավման ջանքերի շրջանակում։

Հյուսիսային Կորեայի կառավարությունը կոչ է արել Սեուլին իր հերթին ջանքեր գործադրել, որպեսզի Հյուսիսի և Հարավի միջև կապերը զարգանան։

Հաղորդակցության գծերի աշխատանքը որոշ ժամանակով վերականգնվել էր այս տարվա հուլիսի վերջին, սակայն ԱՄՆ-Հարավային Կորեա զորավարժությունների մեկնարկից անմիջապես հետո հյուսիսկորեական կողմը դադարել էր գործընթացը։