Հպարտ եմ մեր կառավարությունով, որ կարողացել է մշակել կրթության նոր չափորոշիչներ․ Փաշինյան

ՀՀ վարչապետ Նիկոլ Փաշինյանն այսօր խորհրդարանում կառավարության ծրագիրը ներկայացնելիս անդրադարձավ նաև կրթության ոլորտում իրականացվող բարեփոխումներին։

Նա նշեց, որ չկա մի ոլորտ, որտեղ հնարավոր է առանց կրթության որևէ խնդիր լուծել։

«ՀՀ-ում ամենամեծ խնդիրներից մեկը կրթության էլիտարությունն է։ Կադրային համալրումը կամ թափուր տեղերին համապատասխանելիությունն ուղիղ կապ ունի որոշակի շրջանակի հետ, ինչը կրթության էլիտարացման հետևանք է։ Մենք կրթությունը պետք է դարձնենք հանրամատչելի, այսինքն՝ ամենաաղքատ ընտանիքի երեխան պետք է ունենա կրթության նույն հնարավորությունը, ինչ բարեկեցիկ ընտանիքի երեխան»,- նշեց Նիկոլ Փաշինյանը։

Փաշինյանն ասաց, որ հպարտ է մեր կառավարությունով, որ կարողացել է մշակել կրթության նոր չափորոշիչներ։