ՀՄԿ-ն պատրաստ է նպաստել Ադրբեջանի և Հայաստանի միջև փոխվստահության ձևավորմանը

Համաշխարհային մաքսային կազմակերպության (ՀՄԿ) գլխավոր քարտուղար Կունիո Միկուրիան ընդգծում է Ադրբեջանի և Հայաստանի միջև փոխվստահության ձևավորմանն ուղղված քայլերի և համատեղ միջազգային և տարածաշրջանային նախագծերի իրականացման կարևորությունը։ Ադրբեջանի արտգործնախարար Ջեյհուն Բայրամովի հետ հանդիպմանը նա հավելել է, որ կազմակերպությունը պատրաստ է աջակցել այս գործընթացին։

Բայրամովը, խոսելով հետպատերազմական շրջանում տարածաշրջանում տիրող իրավիճակի մասին, նշել է, որ Ադրբեջանի և Հայաստանի միջև հարաբերությունները կարգավորելու հնարավորություններ կան։

Նա ընդգծել է, որ այս համատեքստում ադրբեջանական կողմը կոնկրետ քայլեր է ձեռնարկում։