Կութի մոտ ինտենսիվ կրակոցներ են այս պահին, երեխաներն ասում են՝ պապ, թուրքերն էլի եկան․ համայնքապետ
Aug 16, 2021
1 min read
Մոտ մեկ ժամ է, ինչ հակառակորդը ինտենսիվ կրակում է գեղարքունիքի մարզի Կութ գյուղի հատվածում։ Այդ մասին MediaHub.am-ի հետ զրույցում քիչ առաջ ասաց Գեղամասար խոշորացված համայնքի ղեկավար Հակոբ Ավետյանը։
Ինչ վերաբերում է Կութի հատվածում զոհ ունենալուն, ապա Հակոբ Ավետյանը նշեց, որ չունի նման ինֆորմացիա։
Հարցին, թե նա արդյոք չի բարձրացե՞լ դիրքեր, Ավետյանը նշեց, որ այս պահին դիրք բարձրանալ չի լինում, չեն թողնում։
«Հենց հիմա էլ կրակոցներ կան, ոչ թե առաջ են գալիս, այլ կրակում են գյուղի ուղղությամբ։ Ահավոր է, երեխաները կրակոցի ձայները լսում են, ասում են՝ պապ, թուրքերն էլի եկան»,- նշեց նա։
Մանրամասները՝ հեռախոսազրույցում։
Comments