Լավրովը հորդորել է Աֆղանստանի հարևան երկրներին թույլ չտալ ՆԱՏՕ-ին մուտք գործել իրենց տարածք

Ռուսաստանի արտգործնախարար Սերգեյ Լավրովն Աֆղանստանի հարևան երկրներին կոչ է արել թույլ չտալ ՆԱՏՕ-ի ուժերին մուտք գործել իրենց տարածք. այդ մասին նա հայտարարել է իսլամական հանրապետության հարևան երկրների մասնակցությամբ նախարարական հանդիպմանը։

«Մենք կոչ ենք անում Աֆղանստանի հարևան երկրներին թույլ չտալ իրենց տարածքում ԱՄՆ-ի և ՆԱՏՕ-ի ուժերի ռազմական ներկայություն, որոնք ծրագրում են այնտեղ տեղափոխվել Աֆղանստանի տարածքը լքելուց հետո», - ասել է ՌԴ ԱԳ նախարար Սերգեյ Լավրովը։ Նա ընդգծել է, որ Վաշինգտոնը Քաբուլին մշտապես վերաբերվել է որպես իր աշխարհաքաղաքական խնդիրների լուծման գործիք։