Եկեք զրոյացնենք. Լավրովն առաջարկել է վերագործարկել ԱՄՆ-ի հետ հարաբերությունները

Մոսկվան հույս ունի շարունակել երկխոսությունը Վաշինգտոնի հետ, բայց բացառապես փոխադարձ հարգանքի հիմքով: Այս մասին հայտարարել է Ռուսաստանի արտգործնախարար Սերգեյ Լավրովը:

Ըստ նրա, Ռուսաստանի Դաշնության և ԱՄՆ-ի հարաբերությունների ճգնաժամը հրահրել է նախկին նախագահ Բարաք Օբամայի վարչակազմը, նա նաև առաջարկել է ելք այս իրավիճակից:

«Մեր մոտեցումը ծայրաստիճան համապարփակ է. Եկեք զրոյացնենք այս ամբողջ անառողջ և անընդունելի իրավիճակը: Մոսկվան պատրաստ է խոսել այս բոլոր հարցերի շուրջ, բայց միայն փոխադարձ հարգանքի և միմյանց շահերի հավասարակշռության հիման վրա», - ասել է Լավրովը