Ռուսաստանը պատերազմ չի ուզում, բայց և թույլ չի տա անտեսել իր անվտանգային շահերը. Լավրով

Ռուսաստանի Դաշնության արտաքին գերատեսչության ղեկավար Սերգեյ Լավրովն այսօր ռադիոկայաններին տված ասուլիսում հայտարարել է, որ Ռուսաստանը պատերազմ չի ուզում, բայց և թույլ չի տա անտեսել իր շահերը:

«Եթե դա կախված է Ռուսաստանի Դաշնությունից, ապա պատերազմ չի լինի, մենք չենք ուզում պատերազմներ, բայց և թույլ չենք տա կոպտորեն ոտնահարել և անտեսել մեր շահերը», - հայտարարել է արտգործնախարարը:

Նա նշել է, որ անվտանգության հարցերի շուրջ Միացյալ Նահանգների և ՆԱՏՕ-ի հետ բանակցությունները դեռ չեն ավարտվել:

Արտգործնախարարի փոխանցմամբ, Ռուսաստանը պատրաստում է անվտանգության երաշխիքների վերաբերյալ Միացյալ Նահանգների և ՆԱՏՕ-ի պատասխաններին արձագանքելու մի քանի տարբերակներ, որոշումն այդ հարցում կընդունի նախագահ Վլադիմիր Պուտինը: