Լավրով-Բայրամով հանդիպման մանրամասները՝ ամփոփ

Ռուսաստանի ԱԳ նախարար Սերգեյ Լավրովը Բաքվում հանդիպել է ադրբեջանցի գործընկերոջը՝ Ջեյհուն Բայրամովին։ Հանդիպման ընթացքում ԱԳ նախարարները քննարկել են մի շարք հարցեր՝ կապված 44-օրյա պատերազմի, դրա հետևանքների, Հայաստանի և Ադրբեջանի միջև հաղորդակցության վերսկսման հետ։

Ներկայացնում ենք հանդիպման առավել նշանակալի կետերը․

- Բայրամովը հայտարարեց, որ Բաքուն վերադարձրել է բոլոր հայ ռազմագերիներին։ Նրանց, ովքեր պահվում են գերության մեջ անվանեց դիվերսանտներ,

- Բայրամովը նշեց, որ Հայաստանում ռևանշիստական հակումները վտանգավոր են,

- Լավրովը մատնանշեց, որ եռակողմ համաձայնության կետերի կատարումը կապահովի տարածաշրջանում կայունություն,

- Ադրբեջանը հետաքրքրված է Հայաստանի հետ դիվանագիտական հարաբերությունների հաստատումով,

- Լավրովը հիմքեր ունի կարծելու, որ առաջիկայում հաղորդակցությունների ապաշրջափակման աշխատանքները կտան կոնկրետ արդյունքներ,

- Լավրովը նշեց, որ հայկական կողմը պատրաստ է փոխանցել ադրբեջանական կողմին ականապատված տարածքների քարտեզները։