Թագուհի Թովմասյանը դատի է տվել Լենա Նազարյանին

Jul 1, 2021

1 min read

ԱԺ անկախ պատգամավոր, «Իմ քայլից» հեռացած Թագուհի Թովմասյանը դատի է տվել ԱԺ «Իմ քայլը» խմբակցության անդամ, ԱԺ փոխնախագահ Լենա Նազարյանին։ Այս մասին տեղեկանում ենք Դատական-տեղեկատվական համակարգից։

Թագուհի Թովմասյանը պահանջում է Լենա Նազարյանին պարտավորեցնել` փոխհատուցել իր հասցեին վիրավորական արտահայտություն անելու դիմաց և հրապարակային ներողություն խնդրել։

Հայցը ստացվել է հունիսի 30-ին ու մակագրվել դատավոր Սերգեյ Սահակյանին։ Դատավարության օրը դեռ նշանակված չէ։

Միջադեպը տեղի էր ունեցել հունիսի 3-ին։ Այդ օրվա ԱԺ նիստը վարող Լենա Նազարյանը չէր անջատել խոսափողը եւ լսվեց, թե նա ինչպես «իդիոտկա» անվանում Թագուհի Թովմասյանին։