ԼՂ-ի հարցով պայմանավորվածությունների իրականացումն ընդհանուր առմամբ լավ է ընթանում. Պեսկով
- Jul 21, 2021
- 1 min read
Ռուսաստանի, Հայաստանի և Ադրբեջանի միջև Լեռնային Ղարաբաղի վերաբերյալ համաձայնագրերի կատարման գործընթացը լավ է ընթանում: ՌԴ նախագահ Վլադիմիր Պուտինը մշտական կապի մեջ է ինչպես Ադրբեջանի ղեկավար Իլհամ Ալիևի, այնպես էլ ՀՀ վարչապետի պաշտոնակատար Նիկոլ Փաշինյանի հետ: Այս մասին, РИА Новости-ի փոխանցմամբ, լրագրողներին ասել է ՌԴ ղեկավարի մամուլի քարտուղար Դմիտրի Պեսկովը:
«Լեռնային Ղարաբաղի հարցով պայմանավորվածությունների իրականացումն ընդհանուր առմամբ լավ է ընթանում: Եռակողմ պայմանավորվածությունները կքնվել են ՌԴ նախագահի բավական ակտիվ մասնակցությամբ, և դրանք իրականացվում են նրա բավական ակտիվ մասնակցությամբ: Նա մշտական կապի մեջ է ՀՀ վարչապետի պաշտոնակատար Նիկոլ Փաշինյանի և Ադրբեջանի նախագահ Իլհամ Ալիևի հետ»,-հայտնել է ՌԴ ղեկավարի մամուլի քարտուղարը:
Comments