Մահացել է Վլադիմիր Թաթոսովը

95 տարեկանում մահացել է ՌԽՖՍՀ ժողովրդական արտիստ (1991) Վլադիմիր Թաթոսովը՝ օնկոլոգիական հիվանդության սրման պատճառով՝ կորոնավիրուսով վարակման ֆոնին: Վլադիմիր Թաթոսովը հայտնի է այնպիսի ֆիլմերում խաղացած դերերով, ինչպիսիք են «Շեռլոք Հոլմսի եւ դոկտոր Վաթսոնի արկածները, Քսաներորդ դարն սկսվում է», «Հիշողություններ Շեռլոք Հոլմսի մասին», «Հուլիսի վեցը», «Վստահություն» եւ այլ ֆիլմերում, հնչունավորել է դոկտոր Սնաութին Անդրեյ Տարկովսկու «Սոլյարիս» ֆիլմում: Աշխատել է Սանկտ Պետերբուրգի Ակիմովի անվան կոմեդիայի թատրոնում (1940 – 1960-ական եւ 1990 – 2010-ական թվականներ), Լենինգրադի Լենինյան կոմերիտմիության անվան թատրոնում (այժմ «Բալթիական տուն» թատրոնում, 1940 – 1960-ական թվականներ), Մ. Գորկու անվան Դրամատիկական մեծ թատրոնում (այժմ Տովստոնոգովի անվան, 1963 – 1971) եւ այլ թատրոններում: