Ապարանում լեռնային հանգստավայր կկառուցվի. կառավարությունը հաստատել է ներդրումային ծրագիրը

ՀՀ փոխվարչապետի պաշտոնակատար Տիգրան Ավինյանը ֆեյսբուքյան իր էջում գրել է.

«60 մլն ԱՄՆ դոլարի ներդրում, 1500 հիմնական և շինարարության ոլորտի շուրջ 250 աշխատատեղ: Այսօր ՀՀ կառավարության նիստում հավանության է արժանացել ՀՀ Արագածոտնի մարզի Ապարան համայնքում լեռնային հանգստավայրի կառուցման «Մայլեռ» ներդրումային ծրագիրը, որն ուղեկցվում է Enterprise Armenia-ի կողմից:

Ծրագրի իրականացնող կազմակերպությունը ներդրումներ է կատարելու այնպիսի ենթակառուցվածքներում, ինչպիսիք են ճոպանուղու, սահուղիների կառուցումը, արհեստական ձնագոյացման համակարգի ձեռքբերումը և տեղադրումը, որոնք առկա են միայն աշխարհահռչակ լեռնադահուկային կենտրոններում»: