«ԱԽ նիստում որևէ խոսակցություն չի եղել»․ Էդմոն Մարուքյանը՝ ԱԳ նախարարի հրաժարականի մասին

Արա Այվազյանի հետ կապված որևէ խոսակություն Անվտանգության խորհրդի նիստում չի եղել։ Ես զարմացած էի, երբ իմացա, որ հրաժարական է տվել։ Այս մասին լրագրողների հետ զրույցում ասաց ԱԺ «Լուսավոր Հայաստան» կուսակցության պատգամավոր Էդմոն Մարուքյանը։

Նրա խոսքով պաշտոնատար անձինք պետք է գիտակցեն, որ Հայաստանը գտնվում է ծայրահեղ ծանր վիճակում և ժամամանակավոր պաշտոնակատարների կառավարություն ունենք, ուստի սահմադրաիրավական կարգավորումները թույլ չեն տալիս հրաժարական տված որևէ նախարարի փոխարեն նշանակել նոր նախարար։

«Արա Այվազյանի հրաժարականը և, առհասարակ, ցանկակացած նախարարի հրաժարական, կարող է այս պայններում երկիրը դնել շատ բարդ վիճակում։ Այս իմաստով ես կարծում եմ, որ ճիշտը շարունակել ծառայել Հանրապետությանը, այլ ոչ՝ ամենածանր պահին դուրս գալ և բեռը թողնել օդում»,- ասաց Մարուքյանը։