Մեքսիկայում օդապարիկի ընկնելու հետևանքով տուժել է 9 մարդ
Nov 30, 2021
1 min read
Մեքսիկայի Տեոտիուական հնագիտական վայրի մոտակայքում օդապարիկի վթարի հետևանքով ինը մարդ վնասվածքներ են ստացել. այդ մասին հայտնում է Diario De Chiapas-ը։
Ըստ ոստիկանության՝ օդապարիկի օպերատորը չի կարողացել գործարկել սարքը, քանի որ դրանում անսարքություններ են ի հայտ եկել: Այդ պահին օդապարիկն ընդամենը մի քանի մետր բարձրության վրա է եղել: Օպերատորը փորձել է պահել այդ բարձրությունը, սակայն չի ստացվել։
Վթարի հետևանքով տուժած չորս տղամարդիկ ու հինգ կանայք հոսպիտալացվել են։ Նրանցից մեկը ստացել է բաց կոտրվածք, մյուսների վնասվածքները համեմատաբար թեթև են:
Comments