Հայոց լեզու և հայ գրականություն առարկայից ընդամենը 9 դիմորդ է 20 միավոր ստացել

Հայոց լեզու և գրականություն առարկայի միասնական քննության նախնական արդյունքները հայտնի են։ MediaHub.am-ի հետ զրույցում ԳԹԿ մամուլի քարտուղար Խաչանուշ Գրիգորյանը հայտնեց, որ հայտագրվածների թիվը 4076 է, քննության մասնակիցների թիվը` 4005:

Միջին միավորը եղել է 12,26, դրական միավորի շեմը չի հաղթահարել դիմորդների 13 %-ը կամ 519 մասնակից։ 18-20 միավոր ստացել է 386 մասնակից կամ մասնակիցների 9,6 %-ը, որից 20 միավոր ստացել է 9 դիմորդ։

Նախորդ տարվա համեմատ բացասական միավոր ստացածների տոկոսը նվազել է։ Մասնավորապես, եթե նախորդ տարի 7,5 միավորից ցածր ստացել էր դիմորդների 26 տոկոսը, ապա այս տարի այդ թիվը երկու անգամ նվազել է։