Ադրբեջանական իշխանություններն արհեստական ձգձգում են գերիների վերադարձման հարցը. ՄԻՊ
- May 25, 2021
- 1 min read
Մարդու իրավունքների պաշտպան Արման Թաթոյանը ԵԽ ծրագրերի գլխավոր տնօրինության գլխավոր տնօրեն Վերենա Թեյլորին ներկայացրել է հետպատերազմական փուլում մարդու իրավունքների վիճակը:
Հանդիպման ընթացքում Մարդու իրավունքների պաշտպանը ներկայացրել է Սյունիքում և Գեղարքունիքում իր փաստահավաք աշխատանքների արդյունքները ՀՀ սահմանային բնակիչների իրավունքների վերաբերյալ:
Հատուկ ընդգծվել է, որ ադրբեջանական իշխանություններն արհեստական ձգձգում, քաղաքականացնում են գերիների ազատ արձակման ու վերադարձի գործընթացը:
Մարդու իրավունքների պաշտպանն անդրադարձել է նաև 2020 թվականի սեպտեմբեր-նոյեմբեր ամիսներին տեղի ունեցած պատերազմի հետևանքով Արցախից տեղահանված անձանց խնդիրներին և Մարդու իրավունքների պաշտպանի փաստահավաք աշխատանքների հիման վրա կազմված համապատասխան արտահերթ զեկույցին։
Comments