ՄԻՊ-ն այցելել է «Ֆիզգորոդոկի» ակցիայի ժամանակ բերման ենթարկվածներին

ՀՀ մարդու իրավունքների պաշտպան Արման Թաթոյանն իր տելեգրամյան ալիքում գրել է.

«Պաշտպանի ներկայացուցիչներն մեկնել են Ոստիկանության Մաշտոցի բաժին Ֆիզգորոդոկում ակցիայի մասնակիցներին բերման ենթարկելու կապակցությամբ:

Երևանի Աջափնյակ համայնքում (Ֆիզգորոդոկ) տեղի ունեցած ակցիայի ժամանակ բերման ենթարկված քաղաքացիներն ահազանգել են Մարդու իրավունքների պաշտպանի աշխատակազմ:

Պաշտպանի հանձնարարությամբ արագ արձագանքման խումբ է մեկնել Ոստիկանության Մաշտոցի բաժին:

Առանձնազրույցներ տեղի կունենան բերման ենթարկվածների հետ, կուսումնասիրվեն բերման ենթարկելու հիմքերը:

Այցի արդյունքներով կձեռնարկվեն անհրաժեշտ քայլեր»: