Հասարակությունը չնկատեց, թե ինչպես Նիկոլն իրեն վերածեց անտարբեր ամբոխի. Միքայել Մինասյան

Երեկ ՄԻԵԴ-ում մեր գերիների իրավունքները պաշտպանող իրավաբաններ Սիրանուշ Սահակյանն ու Արտակ Զեյնալյանը հրապարակեցին 19 հայերի անուններ, ովքեր սպանվել են ադրբեջանական գերության մեջ:

Իշխանական աղբը, որը Նիկոլ Փաշինյանին ուղարկում է պլանավորված պաշտոնանկության, ինչպես սովորաբար, լռեց և ձևացրեց, թե որևէ բան տեղի չի ունեցել:

Ինքը՝ Նիկոլը, խոսեց ամեն ինչի մասին, բացի՝ գերիներից:

Խորհրդարանը քննարկեց ինչ պատահի: Ցուցադրաբար խուսափեցին գերիների, ստերի և զոհվածների, վիրավորների, անհայտ կորածների թվերի հետ կապված մանիպուլյացիաների մասին հարցերից:

Մեր իշխանական, մերձիշխանական և ստրկամիտ ընդդիմադիր սրիկաներին հետաքրքրում էին ընտրությունները, ոչ թե մարդկանց ճակատագրերը:

Հասարակությունը կամ չնկատեց, կամ չցանկացավ նկատել, թե ինչպես Նիկոլն իրեն վերածեց անտարբեր մարդկանց ամբոխի, որի լուռ համաձայնությամբ տեղի են ունենում բոլոր ստորությունները:

Իսկ երբ շատ շուտով ողջ քաղաքական դաշտը մեղավորների կնշանակի մի քանի ձայն հավաքելու համար, հարցրեք նրանց՝ իսկ դուք ինչ արեցիք, երբ իմացաք տանջահար արված հայրենակիցների մասին։

Միքայել Մինասյան