Մուրադովը հանդիպել է Արցախի Մարտակերտ քաղաքի տներից մեկը մտած ադրբեջանցուն. «Փաստինֆո»
Արցախում ռուսական խաղաղապահ զորախմբի հրամանատար, գեներալ-լեյտենանտ Ռուստամ Մուրադովը Ստեփանակերտում հանդիպել է ադրբեջանցի զինծառայող Ջամիլ Բաբաևին, ով ձերբակալվել էր Մարտակերտում և այժմ պահվում է Արցախի ՔԿ-ում: Մուրադովը ծանոթացել է ադրբեջանցու առողջական վիճակին։ Այդ մասին գրում է «Փաստինֆո»- ն։
Բաբաևի խնդրանքով նրան հնարավորություն կընձեռվի կապ հաստատել հարազատների և ընտանիքի անդամների հետ:
Արցախի Մարտակերտ քաղաքի բնակարաններից մեկում օգոստոսի 25-ին հայտնաբերվել էր Ադրբեջանի զինված ուժերի զինծառայող Ջամիլ Բաբաևը։ Նույն օրը վերջինս բերման է ենթարկվել ԱՀ ազգային անվտանգության ծառայություն: Հարուցվել է քրեական գործ առերևույթ ԱՀ պետական սահմանն ապօրինի հատելու, հիշյալ բնակարանի անչափահաս բնակիչներին սպանության սպառնալիք տալու և լրտեսության հատկանիշներով նախատեսված հանցավոր դեպքերի կապակցությամբ։ Նրա նկատմամբ որպես խափանման միջոց է ընտրվել կալանավորումը:
Comments