Մխիթար Զաքարյանին կալանքից ազատելու միջնորդություն է ներկայացվել․ պաշտպան

Միջնորդություն ենք ներկայացրել Սյունիքի մարզի ընդհանուր իրավասության դատարան՝ Մեղրի համայնքի նախկին ղեկավար, ԱԺ պատգամավոր Մխիթար Զաքարյանին կալանքից անհապաղ ազատ արձակելու մասին։ Տեղեկացնում է նրա պաշտպան Երեմ Սարգսյանը։

«Մխիթար Զաքարյանն արդեն մի քանի ամիս է ապօրինի պահվում է կալանքի տակ։

Չնայած որ առանց միջնուրդության անգամ դատարանը պարտավոր է նրան անհապաղ ազատ արձակել, սակայն միջնորդությունը ներկայացրել ենք, որպեսզի անհարկի ձգձգումներ չլինեն։

Հուսով եմ, որ գոնե հիմա դատարանն արագ կարձագանքի և չի սպասի հրահանգների»: