Հայաստանի մտքի բոլոր տիտանները, առողջապահության նախարարը առանց դիմակ էին․ Նաիրա Զոհրաբյան
Վերջին մեկ շաբաթում միայն քովիդից 277 մարդ է մահացել
Այսօր Արմեն Սարգսյանի կանտորայում «Մտքի հայկական գագաթնաժողովի» մասնակիցների «պրիյոմ» էր: Հայաստանի բոլոր մտքի տիտանները, բացառությամբ Վահագն Խաչատրյանի՝ առանց դիմակ էին: Այդ մասին ֆեյսբուքյան իր էջում գրել է ԱԺ նախկին պատգամավոր Նաիրա Զոհրաբյանը։
«Առանց դիմակ էր նաև առողջապահության նախարարը, ով կոչ արեց ուսումնական հաստատություններում անցնել ուսուցման հեռավար մոդելի, որովհետև քովիդը հնձում է: Հիմա ՀՀ շարքային քաղաքացին հանուն ինչի՞ պիտի հավատա, որ պատվաստվելն ու դիմակ կրելը կարող են կոտրել սարսափելի վարակի շղթան, երբ չգիտեմ ում մտքի տուսովկայի առանձնյակները ահա էսպես «բեսպարդոննո» իրենց մտքի գագաթնաժողովն են անում»,- նշել է նա։
Comments