Նաիրա Զոհրաբյանը կորոնավիրուսի դեմ պատվաստավել է

Ես այսօր պատվաստվեցի Covid-ի դեմ։ Հատուկ չեմ նշելու պատվաստանյութը՝ գովազդ կամ հակագովազդ չանելու համար։ Այս մասին ֆեյսբուքյան իր էջում գրել է ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը։

«Covid-ը սարսափելի խարդախ եւ անկանխատեսելի վիրուս է եւ որեւէ մեկը չի կարող ասել, որ ինքը պաշտպանված է ծանրագույն ելքից։

Իմ հարազատը՝ երիտասարդ, ուժեղ, օրերս մահացավ այս սարսափելի վարակից։ Covid-ը չի խնայում ոչ մեկին։

Պատվաստումը միակ ճանապարհն է մահվան շղթան կոտրելու համար։ Ես էդպես եմ կարծում։ Իմ հարազատը երեք անչափահաս երեխա ուներ»,- գրել է նա։