ԱԱԾ-ն առգրավել է լրագրող Նաիրի Հոխիկյանի հեռախոսը

Լրագրող Նաիրի Հոխիկյանը ֆեյսբուքյան գրառմամբ տեղեկացնում է, որ ԱԱԾ–ն առգրավվել է իր հեռախոսը։

«Վկայի կարգավիճակով հարցաքննության հրավիրելուց հետո ՀՀ ԱԱԾ-ն այսօր առգրավեց իմ անձնական բջջային հեռախոսը՝ պատճառաբանելով, որ պետք է փորձի գտնել պատերազմի վերաբերյալ իմ հրապարակումները հաստատող փաստական ապացույցներ։

Թեպետ ես պատրաստակամություն հայտնեցի անձամբ հանձնել իմ ձեռքի տակ եղած բոլոր փաստերը, սակայն ԱԱԾ-ն ավելի նպատակահարմար համարեց ամեն դեպքում առգրավել իմ հեռախոսը»,– գրել է նա։