Ոռոգման ջրի խնդիր ենք ունենալու․ Նիկոլ Փաշինյան (տեսանյութ)
Վարչապետի պաշտոնակատար Նիկոլ Փաշինյանի գլխավորությամբ խորհրդակցություն է տեղի ունեցել, որի ընթացքում քննարկվել են ոռոգման ոլորտում առկա խնդիրների լուծման ուղիները: Վարչապետի պաշտոնակատարը խորհրդակցությունից տեսանյութ է հրապարակել ֆեյսբուքյան էջում, որում ասում է. «Երկար տարիներ է՝ արձանագրում ենք աննախադեպ շոգ: Սա այլևս ոչ թե առանձին մեկ տարվա ընթացքում տեղի ունեցող երևույթ է, այլ գլոբալ կլիմայական փոփոխություն: Սա նշանակում է՝ խնդիրները, որոնք ունենում ենք, մեծ հավանականությամբ լինելու են շարունակական: Այսինքն՝ ոռոգման ջրի խնդիր ենք ունենալու և գյուղատնտեսության ոլորտում մեզ համար նոր մարտահրավերներ են ձևակերպվում»:
Նա նաև ընդգծել է, որ ավանդական ոռուգումն ապագա չունի։
«Ավանդական ոռոգումը փոխարինել կաթիլայինով. գյուղատնտեսության ոլորտում մեր ռազմավարությունն է կաթիլային ոռոգումն ու նոր տեխնոլոգիաների կիրառումը»,- ասել է նա։
Comments