Տիկի՛ն Կյուրեղյան, հանգստացեք․ Ալեն Սիմոնյանը պատգամավորին նախազգուշացում արեց, կրքերը լարվեցին

Խորհրդարանում կրկին բորբոքվել են կրքերը։ Նիկոլ Փաշինյանը «Հայաստան» խմբակցության պատգամավոր Արամ Վարդևանյանին հիշեցրեց, որ, երբ իրենք գնդակահարության տեսարաններ էին բեմադրում, այդ ժամանակ պետք է մտածեին ժողովրդի կարծիքի մասին։ Նա ամբիոնից դիմելով Վարդևանյանին, ասաց, որ նրա մատնանշած՝ հողերի դիմաց հինգ միլիարդի մասին պետք է գնա ու իր վստահորդի հետ խոսի։ Այդ պահին «Հայաստան» խմբակցության պատգամավոր Արմենուհի Կյուրեղյանը տեղից խոսեց, ապա նրան արձագանքեցին ՔՊ-ական պատգամավորները։ Ալեն Սիմոնյանը նախազգուշացում հայտարարեց Կյուրեղյանին, ՔՊ-ականներին էլ հորդորեց տեղից չարձագանքել։