Ուզում ենք մի քիչ էլ մեր կառուցած ճանապարհները գովազդենք. Փաշինյանը՝ «Վարչապետի գավաթի» մասին

Գեղարքունիքի մարզում` Շորժա-Սևանա լճի թերակղզու հատվածում սեպտեմբերի 19-ին կանցկացվի «Վարչապետի գավաթ» սիրողական խճուղային հեծանվավազքի մրցաշարը։

Կառավարության որոշմամբ 25.7 մլն դրամ հատկացվեց մրցաշարի իրականացման համար: Նախագիծը ներկայացրեց Կրթության, գիտության, մշակույթի և սպորտի նախարար Վահրամ Դումանյանը, ով նշեց, որ մրցաշարի նպատակն է հեծանվային սպորտի և առողջ ապրելակերպի մասսայականացումը:

«Մրցաշարը նախատեսվում է անցկացնել երկու տարիքային խմբով` կանանց և տղամարդկանց ներգրավմամբ»,- ասաց նախարարը։

Վարչապետ Նիկոլ Փաշինյանն էլ, անդրադառնալով ծրագրին, ասաց․ «Ուզում ենք մի քիչ էլ մեր կառուցած ճանապարհները գովազդենք»։