Փարիզում բողոքի ակցիայի մասնակիցները փորձեցին խոչընդոտել Ն. Փաշինյանի ավտոշարասյան ընթացքը

Ֆրանսիայում ՀՀ դեսպանությունում մեկնարկեց ՀՀ վարչապետի պաշտոնակատար Նիկոլ Փաշինյանի և տեղի հայ համայնքի ներկայացուցիչների հանդիպումը:

Դեսպանատնից ոչ հեռու մի խումբ հայեր բողոքի ակցիա էին կազմակերպել՝ իրենց դժգոհությունը հայտնելով Փաշինյանի վարած քաղաքականության առնչությամբ: Դեսպանություն հասնելու ճանապարհին բողոքի ակցիայի մասնակիցներից մի խումբ երիտասարդներ փորձեցին խոչընդոտել ավտոշարասյան ընթացքը: Նրանք փորձում էին ձեռքերով հարվածել դանդաղ ընթացող մեքենաների ապակիներին: Անվտանգության աշխատակիցները ապահովեցին ավտոշարասյան մուտքը դեսպանատուն:

Հիշեցնենք, որ Նիկոլ Փաշինյանը Ֆրանսիայում հանդիպել է նախագահ Էմանուել Մակրոնի, Ֆրանսիայի Ազգային ժողովի նախագահ Ռիշար Ֆերանի, Սենատի նախագահ Ժերար Լարշեի հետ։