Տրամաբանական է Սոթք-Խոզնավար հատվածում ՀՀ և ադրբեջանական զորքերի հայելային հետքաշումը․ Փաշինյան

Վրաստանի և Ադրբեջանի հետ սահմանագծումն ու սահմանազատումը տարածաշրջանային կայունության համար առնացքային են։ Այդ մասին այսօր ԱԺ-ում կառավարության ծրագիրը ներկայացնելիս ասաց ՀՀ վարչապետ Նիկոլ Փաշինյանը։ Նա նկատեց, որ մենք սահմանների ճշգրտման հարց ունենք նախկին խորհրդային պետությունների հետ, և դա ավելի բարդ է իրականացնել Ադրբեջանի հետ։ «Մենք օր առաջ պետք է իրականացնենք Ադրբեջանի հետ սահմանազատում և սահմանագծում»,- ասաց Փաշինյանը, ապա հավելեց, որ շատ տրամաբանական է Սոթք-Խոզնավար հատվածում հայկական և ադրբեջանական զորքերի հայելային հետքաշումը։