Հրդեհ Նորավան գյուղում. այրվել է խոտածածկ տարածք

Սեպտեմբերի 1-ին, ժամը 12։51-ին Սյունիքի մարզային ճգնաժամային կառավարման կենտրոն ահազանգ է ստացվել, որ Նորավան գյուղի հրաձգարանի հարակից տարածքում այրվում է խոտածածկույթ:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Հրդեհը մեկուսացվել է ժամը 18։30-ին, մարվել՝ 19։05-ին։ Այրվել է մոտ 9 հա խոտածածկույթ։