Արսեն Թորոսյանը և Նոր Նորքի փոխթաղապետը ընտրատեղամաս են եկել՝ քաղաքացիներից հաշիվ պարզելու

Mediahub.am-ի տեղեկություններով՝ Արսեն Թորոսյանը և Նոր Նորքի թաղապետի տեղակալ Սերգեյ Ղևոնդանը 10-15 մեքենայով ժամանել են Նոր Նորքի 2/15 ընտրատեղամասի հարակից բակեր՝ քաղաքացիներից հաշիվ պարզելու, ինչպես հաղորդում է մեր աղբյուրը։

Վերջիներս, սակայն, արագ հեռացել են, քանի որ բնակիչները սուր են արձագանքել։ Ըստ մեր աղբյուրի՝ նրանց հեռանալուց հետո մի քանի մեքենայով կարմիր բերետավորներ են ժամանել նույն տարածք։

Մեր ունեցած տեղեկություններով նույն ընտրատեղամասում հանձնաժողովի նախագահը(Անահիտ Պետրոսյան) և քարտուղարը (Անժելա Պետրոսյան)հանդիսանում են քույրեր։ Ինչպես ֆիքսել է տեսախցիկը՝ ընտրատեղամասի հանձնաժողովի քարտուղարը երկար ժամանակով բացակայել է։ Ըստ մեր աղբյուրի փոխանցած տեղեկության՝ նա հեռախոսով զրուցել է Արսեն Թորոսյանի հետ և տվյալներ փոխանցել։