Եթե փակագծեր բացեմ, անդառնալի վնաս կհասցվի պետությանը․ Օնիկ Գասպարյանը պատասխանել է Փաշինյանին

ArmLur.am-ի հետ զրույցում ԳՇ նախկին պետ Օնիկ Գասպարյանն անդրադարձավ Նիկոլ Փաշինյանի այսօրվա հայտարարությանը և նշեց.

«Անկլավների թեմայի շուրջ քննարկումները շարունակելու դեպքում ստիպված պետք է որոշ փակագծեր բացվեն, սակայն կան հանգամանքներ, որոնց հրապարակումն անդառնալի վնաս կհասցնի մեր պետության շահերին։ Անիմաստ մեղադրանքներ հնչեցնելու փոխարեն մանրակրկիտ քննութուն պետք է կատարվի և որոշվի յուրաքանչյուր պաշտոնատար անձի մեղավորության չափը»։

ԳՇ պետը նաև հայտարարություն է տարածել բոլոր նրանց համար, ովքեր նրան համարում են ստախոս․

«Բոլորիս համար շատ ծանր պայմաններով համաձայնագիրըն ընդունվել է, իրոք, իրադրության բազմակողմանի գնահատման արդյունքում: Մենք պետք է ընտրություն կատարեինք շատ վատի և ողբերգության միջև: Նախընտրել ենք շատ վատը»։

Օնիկ Գասպարյանը Նիկոլ Փաշինյանին հորդորում է չխաղալ հանրության զգացմունքների հետ և էժանագինն քայլեր չկատարել։

«Այլ հարց է, թե ինչու մենք հասանք այս վիճակին, և ում մեղքով պատերազմը չկանգնեցվեց հոկտեմբերի 19-ին մեզ համար անհամեմատ շահավետ պայմաններով»,- ասել է ԳՇ պետը։