Ծինանդալի թանգարանում բացվել է Փարաջանովի ստեղծագործությանը նվիրված ցուցահանդես. «Panorama.am»
- 24Time.am
- May 12, 2021
- 1 min read
Գարնանային ցուցաշրջանը Ծինանդալի իշխանների Ճավճավաձեի թանգարան-կալվածքում (Կախեթիի շրջան, Թբիլիսիից 105 կմ հեռավորության վրա) բացվել է ականավոր կինոռեժիսոր Սերգեյ Փարաջանովի ստեղծագործական կյանքին նվիրված ցուցահանդեսով:
Jnews-ի հաղորդմամբ, ցուցահանդեսը Ծինանդալի թանգարանում ներկայացված կլինի մեկ ամսվա ընթացքում:
««Հիշողության դրվագներ» խորագրով ցուցահանդեսը համախմբել է Սերգեյ Փարաջանովի և նկարիչ, բեմանկարիչ Գոգի Ալեքսի-Մեսխիշվիլիի աշխատանքները և ցույց է տալիս այս երկու նկարիչների ստեղծագործությունները հատուկ տեսանկյունից»,- նշում են կազմակերպիչները:
Ցուցահանդեսի բացման օրը ռեժիսոր Ուտա Բեքայան բեմադրել էր ներկայացում՝ Փարաջանովի ստեղծագործությունից ոգեշնչված ստեղծած հագուստներով մոդելները վերակենդանացրել են նրա նկարների հերոսներին Ծինանդալ կալվածքի պատմական պարտեզում:
Comments