Փաշինյանն էկոնոմիկայի նախարարի խորհրդականին և վարչության պետին գործուղել է Ղազախստան

ՀՀ վարչապետի ժամանակավոր պաշտոնակատար Նիկոլ Փաշինյանը Գագիկ Մկրտչյանին և Արմեն Եգանյանին Ղազախստանի Հանրապետություն գործուղելու մասին որոշում է ստորագրել.

«Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասը՝

1. Հայաստանի Հանրապետության էկոնոմիկայի նախարարի խորհրդական Գագիկ Մկրտչյանին և Հայաստանի Հանրապետության էկոնոմիկայի նախարարության արդյունաբերության զարգացման վարչության պետ Արմեն Եգանյանին 2021 թվականի հունիսի 29-ից մինչև հուլիսի 2-ը գործուղել Ղազախստանի Հանրապետություն (Նուր Սուլթան)՝ «Astana Finance Days» ֆինանսական ֆորումի շրջանակներում կայանալիք «J-1 Ղազախստան» ոսկերչական առաջին համագումարին մասնակցելու նպատակով:

2. Գագիկ Մկրտչյանի և Արմեն Եգանյանի՝ Ղազախստանի Հանրապետություն (Նուր Սուլթան) գործուղման ծախսերը և «COVID-19» ՊՇՌ նմուշառումների վճարները կատարել Հայաստանի Հանրապետության 2021 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Հայաստանի Հանրապետության էկոնոմիկայի նախարարի պաշտոնակատարին՝ ապահովել գործուղումից վերադառնալուց հետո եռօրյա ժամկետում Ղազախստանի Հանրապետություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը»,- ասված է որոշման մեջ: