«Պատիվ ունեմ»-ը պարգևավճարները կուղղի բարեգործության, «Հայաստան»-ը դեռ որոշում չունի

Ընդդիմադիր «Պատիվ ունեմ» և «Հայաստան» խմբակցության պատգամավորներին ևս դեկտեմբերի ամսվա համար փոխանցվել են պարգևավճարներ, սակայն «Պատիվ ունեմ» խմբակցությունը որոշել է այն ուղղել բարեգործության՝ պատգամավորների հայեցողությանը թողնելով բարեգործության ձեւը։ Այդ մասին գրում է «Փաստինֆո»-ն։

««Պատիվ ունեմ» խմբակցության պատգամավորներից յուրաքանչյուրը գումարն ուղղելու է բարեգործության՝ իր հայեցողությամբ ընտրելով ինչպես վերադարձնել գումարը հասարակությանը»,- ասաց խմբակցության քարտուղար Հայկ Մամիջանյանը:

«Հայաստան» խմբակցությունից Գեղամ Մանուկյանն էլ հայտնեց, որ դեռևս որոշում չունեն՝ ինչպես են տնօրինելու գումարը,այս առիթով հայտարարությամբ հանդես կգան: