«Պատիվ ունեմ»-ը լքեց ԱԺ նիստերի դահլիճը (տեսանյութեր)

Մեկնարկել է ԱԺ նիստը, որի ընթացքում պետք է ներկայացվի կառավարության ծրագիրը: Ներկա են Նիկոլ Փաշինյանն ու կառավարության մյուս անդամները, որոնց ընդդիմությունը դիմավորեց լուռ` առանց որևէ ակցիայի, վանկարկումների: 

Նիկոլ Փաշինյանի ելույթից առաջ վարման կարգով ԱԺ «Պատիվ ունեմ» խմբակցության ղեկավար Արթուր Վանեցյանը ելույթ ունեցավ և հայտարարեց, որ խմբակցության անդամներն, ի նշան բողոքի, լքում են նիստերի դահլիճը և կվերադառնան հարցուպատասխանի ժամանակ։

«Հայաստան» խմբակցությունից էլ, նախ, ելույթ ունենացավ խմբակցության ղեկավար Սեյրան Օհանյանը՝ խոսելով իրենց պատգամավոր ընկերների հանդեպ տեղի ունեցող քաղաքական հետապնդման մասին և պահանջելով, որ ԱԺ գա դատախազն ու բացատրություն տա:

Ապա ելույթ ունեցավ Արծվիկ Մինասյանը, որն ասաց, որ իրենց խմբակցությունը կմնա և հարցեր կտա, ելույթներ կունենա` բացահայտելու կառավարության ծրագրում տեղ գտած կեղծիքները: