Թեստավորումից և պատվաստումից հրաժարվելու դեպքում որքա՞ն կկազմի տուգանքը

ՀՀ Առողջապահական և աշխատանքի տեսչական մարմինն իր գործառույթներն իրականացնում է ստուգայցերի միջոցով։ Այն պահանջները, ինչը դրված էր գործատուների, տնտեսավարողների նկատմամբ շարունակվելու է։ Այդ մասին այսօր մամուլի ասուլիսի ժամանակ հայտարարել է Առողջապահական և տեսչական մարմնի հիգիենիկ, սանիտարահիգիենիկ և հակահամաճարակային վերահսկողության վարչության պետ Աննա Հարությունյանը, պատասխանելով այն հարցին, թե ի՞նչ կարող է տեղի ունենալ, եթե քաղաքացին հրաժարվի թեստավորվել և պատվաստվել։

Հարությունյանը նշել է, որ ըստ առաջնահերթության են իրականացնում ստուգայցերը։

Անդրադառնալով տուգանքներին, նա ասել է, որ տուգանքի որոշումը ֆիզիկական անձանց նկատմամբ, առաջին հայտնաբերման դեպքում 10-20 հազար դրամ է, իսկ իրավաբանական անձանց նկատմամբ կիրառվում է 40-120 հազար տուգանքի չափ։