Խաղաղապահների գալով Արցախում վիճակը նորմալ է, թեև, երբեմն անկայունության օջախներ են լինում․Փաշինյան
Այսօր Մոսկվայում ՌԴ նախագահ Վլադիմիր Պուտինի հետ հանդիպմանը Հայաստանի վարչապետի պաշտոնակատար Նիկոլ Փաշինյանն անդրադարձել է անվտանգությանն առնչվող հարցերին և դրանց շուրջ տեղի ունեցող ակտիվ քննարկումներին:
Փաշինյանն խոսել է ՀՀ-ում տիրող անկայուն վիճակի մասին, միևնույն ժամանակ՝ ընդգծել ՌԴ նախագահի և Ռուսաստանի դերակատարությունն ու ջանքերը հրադադարի կնքման հարցում:
«Ռուս խաղաղապահների տեղակայումից հետո Արցախում իրավիճակը կայուն է, սակայն, երբեմն, անկայունության օջախներ են ստեղծվում, և այսօր ցանկանում եմ Ձեզ հետ ասել, թե ինչո՞ւ է դա տեղի ունենում: Անկայուն է նաև իրավիճակը Հայաստանի և Ադրբեջանի սահմանին: Այդ մասին բազմիցս խոսել ենք, այստեղ նույնպես մշտական անհանգստության օջախ կա վերջին երկու ամսվա ընթացքում»,- ասել է Փաշինյանը՝ հույս հայտնելով, որ այդ հարցով քննարկում կկայանա։
Անդրադառնալով 15 հայ ռազմագերիների վերադարձին՝ Նիկոլ Փաշինյանը կարևորել է հունիսի 24-ին ՌԴ նախագահի հետ ունեցած հեռախոսազրույցը, որից մեկ շաբաթ անց տեղի է ունեցել ռազմագերիների վերադարձը:
Comments