Պուտինը հեռախոսազրույց է ունեցել Իրանի նախագահի հետ

ՌԴ նախագահ Վլադիմիր Պուտինը հեռախոսազրույց է ունեցել Իրանի նախագահ Իբրահիմ Ռայիսիի հետ։ Այդ մասին հայտնում է Կրեմլի մամուլի ծառայությունը։

«Հաստատվել է տարբեր ոլորտներում ռուս-իրանական փոխշահավետ գործակցության ամրապնդմանն ուղղված փոխադարձ տրամադրվածությունը։ Մասնավորապես՝ նշվել է առևտրատնտեսական կապերի հաջող զարգացումն ու փոխգործակցությունը կորոնավիրուսի դեմ պայքարում»,-ասվում է հաղորդագրության մեջ։