Պուտինն ու Բայդենը ժնևյան գագաթնաժողովից հետո համատեղ հայտարարությամբ են հանդես եկել

Վլադիմիր Պուտինը և Ջո Բայդենը համատեղ հայտարարություն են տարածել Ժնևի բանակցություններից հետո: Այն կապված է ռազմավարական կայունության խնդիրների հետ: Այս մասին գրում է «ՌԻԱ Նովոստի» գործակալությունը:

«Ռուսաստանը և Միացյալ Նահանգները ցույց են տվել, որ նույնիսկ լարվածության պայմաններում նրանք ի վիճակի են առաջընթացի հասնել համատեղ նպատակների իրականացման գործում` ռազմավարական ոլորտում կանխատեսելիություն ապահովելու, զինված բախումների ռիսկերը և միջուկային պատերազմի սպառնալիքները նվազեցնելու համար»,-ասված է փաստաթղթում:

«Այսօր մենք վերահաստատում ենք մեր հավատարմությունը այն սկզբունքին, որ միջուկային պատերազմում չեն կարող լինել հաղթողներ, և այն երբեք չպետք է սանձազերծվի», -ասված է համատեղ հայտարարության մեջ: