Պուտինը վավերացրել է ականազերծման մասին ԱՊՀ երկրների համաձայնագիրը

Nov 19, 2021

1 min read

ՌԴ նախագահ Վլադիմիր Պուտինը օրենք է ստորագրել, որով վավերացվում է ԱՊՀ երկրների համաձայնագիրը հումանիտար ականազերծման համատեղ ինժեներական ստորաբաժանման ստեղծման մասին: Այն կկարողանա գործողություններ իրականացնել Համագործակցության երկրների տարածքում և երրորդ երկրներում:

Փաստաթուղթը ստորագրվել է Մոսկվայում՝ 2020 թվականի դեկտեմբերի 18-ին։ Համաձայնագիրը կնքված է անորոշ ժամկետով և ուժի մեջ մտնելուց հետո բաց է ԱՊՀ ցանկացած երկրի միանալու համար։

Պայմանագրի համաձայն՝ միացյալ ստորաբաժանումը կզբաղվի տեխնիկական հետախուզմամբ այն ականապատ դաշտերում ու տարածքներում, որտեղ ռազմական գործողություններից հետո մնացել են պայթուցիկ նյութեր, ջրերը նույնպես կմաքրվեն ականներից։